مسرحية
"نظف قدام دارك"
-1-
(يظهر على الركح كهل يكنس القاعة، ثم يتوقف للراحة،فيستأنف عمله من
جديد وسط إنبعاث موسيقى خافتة).
عامل النظافة: كان جاء كل واحد ما يلوحش الأوراق على القاعة، راني مرتاح
(يتنهد ثم يقول): ربي يهديهم
الشجرة: على شكون قاعد تحكي؟
(يلتفت العامل في عديد
الإتجاهات و هو يبحث عن مخاطبه و الإستغراب واضح على ملامحه).
الشجرة: على شكون قاعد تلوج هاني بحذاك
عامل النظافة: إشكون إنت، وين متخبي؟
(تقهقه الشجرة ثم تقول): أنا إلي يتخباو في ظلي، أنا شجرة الحومة
عامل
النظافة: سامحني ما كنتش نعرفك
الشجرة: من شكون قاعد تشكي؟
عامل النظافة: مالبشر إلي قاعدين يلوثو في محيطهم
(و في الأثناء يمر طفل و إذ به
يلقي علبة يوغرت فارغة بعد أن تناولها)
عامل النظافة: يا وليدي، إشنوا إسمك إنت؟
الطفل مجدي: إسمي مجدي
عامل النظافة: يا وليدي علاه أكاكا؟
الطفل مجدي: على شنوا يا عمي؟
عامل النظافة: يا خي ماكش قاعد تشوف فيّا إنظف في هالحديقة
الطفل مجدي: سامحني، على خاطر مالقيتش الحاوية
عامل النظافة: و هاذيكا شنوا موش Poubelle
(يذهب مجدي و يأخذ العلبة
الفارغة و يتوجه ليضعها في الحاوية ثم يواصل سيره)
الطفل مجدي: سامحني يا عمي الراجل هاني هزيتها
عامل النظافة: السماح وليدي، أما يلزمنا الكل نحافظو على نظافة بلادنا
(عند غياب مجدي عن المشهد تضحك
الشجرة و تقهقه بصفة مسترسلة)
الشجرة: باين فيهم باش يشيبولك راسك
(و تواصل الشجرة ضحكها لكن
العامل يتنهد و يواصل الكنس)
-2-
(تنبعث موسيقى و في الأثناء
يدخل مجموعة من الأطفال ذكورا و إناثا و يأخذون في مساعدة العامل على تنظيف
الحديقة)
ثم يقدمون رقصة الأمل
(يبدأ صوت الأغنية في الهبوط
شيئا فشيئا و في الأثناء تبدأ المجموعة الإنسحاب الواحد تلو الأخر).
-3-
تنبعث موسيقى حكايات
العروي
الشجرة: نحكيلكم على واحد من أولادنا الصغار، كان يسكن في هالحي إسمو سليم.
مالا شنوا إسمو؟
إجابة الجمهور
الشجرة: صحيتو يا لولاد،
صاحبكم إلي نحكيلكم عليه هو كيفكم يحب قرايتو و
مدرستو،
يحترم الكبار و المعلمين متاعو،
شعرو ممشوط و دبشو نظيف محلاه
كان في كل مرة
يقومو بحملة نظافة في الحومة يمشي يشارك معاهم
كان ديما يطلب من صحابو باش يساهمو في
نظافة الحي إلي يسكنو فيه
سي سليم تقابل مرة مع صحابو إلي لقاهم
قاعدين في الحديقة
الطفل سليم: أهلا رضا، منذر cava
الطفل منذر: لاباس سليم
الطفل سليم: قرايتكم لاباس، الأمور مريقلا
الطفل رضا: الحمد لله
الطفل منذر: يا خي سمعتو بـــنزار
الطفل رضا: إشبيه
الطفل منذر: شرب ماء أمسخ
الطفل سليم: كيفاش الماء أمسخ
الطفل منذر: يقولو إلي ثما أكداس متاع Poubelle قريبة من حلقوم الماء
الطفل رضا: معناها صار تسرب لحلقوم الماء
الطفل سليم: إي نعم و هو شرب يا خي صارلو تسمم
الطفل منذر: توا عندو نهارين مرقدينو في السبيطار و يمكن باش يعملولو عملية
جراحية.
الطفل رضا: مسكين نزار
الطفل سليم: ريتو كيف نقلو هو و أولاد الحومة هيا نعملوا حملة نظافة في حومتنا
باش تبقى نظيفة
الطفل منذر: ماو الناس إلي يسكنو في الشارع هاذاكا يكدسو في الـPoubelle وين
يجي. كل واحد ما يهمو كان قدام
دارو
الطفل رضا: ما تنساش زادا البلدية مرات تغير مواعيد الجرار الشئ إلي يخلي الناس
هاذوما يرميو الأوساخ في الطريق
الطفل سليم: ما يلزمش نصلحو غلطة بغلطة و الطريق هو ملك للجميع و يلزمنا الكل
نحافظو على نظافتو
الطفل رضا: هيا نمشو نعملو تحويصة
(يواصل الأطفال تحريك أفواههم و
هم بصدد مغادرة الركح عبارة على كونهم يتحدثون و في الأثناء يدخل عامل النظافة
للعمل و سط موسيقى خافتة).
الشجرة: مشاة أيام و جات أيام
إرتاح صاحبنا نزار و رجع لحومتو إلي
تواحشها برشا.
تمّ
إصلاح حلقوم الماء و حطت البلدية حاوية مالحجم الكبير قريبة مالمصب
العشوائي إلي عملوه الناس
عامل النظافة: و ماتنساش زادا إلي نزار و صحابو أسسو جمعية أصدقاء البيئة
والمحيط
الشجرة: الجمعية إلي تحكي عليها ولات تنظم في أيام تطوعية يقومو فيها بتنظيف
حومتهم و يمشيو للناس في ديارهم باش
يحسوسهم بأهمية النظافة في حياتنا
اليومية
عامل النظافة: (يتوجه بالكلام للجمهور رافعا أحد يديه)
يا خويا، نظف قدام دارك و ما
تنساش باش تنبه جارك
(ثم يغادر).
3 نقرات النهاية ثم
موسيقى راقصة
-4-
الشجرة: مسرحية "نظف قدام دارك"
بطولة:
عامل النظافة: هو زهير
الطفل مجدي هو
الطفل رضا هو
الطفل منذر هو
الطفل سليم هو
مجموعة الرقص تتكون من: -1
- 2
- 3
- 4
نص المسرحية للسيد فؤاد
الحرباوي
رقصة الأمل من تصميم السيد ......................
الديكور من تصميم للسيدة ..............................
و ماننساوش الشجرة إلي قامت
زادا بدور الراوي و هي صديقتكم ..............
موسيقى راقصة
