مذكــرة فنيــة
النشاط: ألغاز و طرائف
عدد
المشاركين: 4 (على الأقل) العمر: 8 سنوات
فما فوق الجنس: مختلط
الفضاء: خارجي / داخلي
وسائل
العمل: - - -
المرجع: مذكرات فنية في
الألعاب الداخلية - محمود بكاري
السير
الفني للحصة:
الهدف من هذه الألغاز و الطرائف هي: تغيير النسق، التسلية، الإنتقال بين أجزاء الحصة أو شدّ الإنتباه
الهدف من هذه الألغاز و الطرائف هي: تغيير النسق، التسلية، الإنتقال بين أجزاء الحصة أو شدّ الإنتباه
الطرائف:
1 . ثما بنيا تنادي لأمها: أمي .. أمي راو خويا قاعد يأكل في الجريدة
الأم: ما يهمكش فيه راهي قديمة.
2. معلم سئل تلامذة قال ليهم:
أشكون يطلع أما أحسن البقرة البيضة و إلا البقرة السوداء؟
جاوبو واحد منهم قال: كل وحدة و ميزاتها
البيضاء تعطينا الحليب و السوداء تعطينا القهوة
3. وليد سأل صاحبو قالو: في أي
يوم من أيام الأسبوع ولدت؟
قالو صاحبو: نهار الأحد
قالو: ياخي تكذب عليا نهار الأحد موش عطلة.
4. معلم سأل تلميذ قالو: أعطيني
خمسة حوايج فيها الحليب و مشتقاتو؟
التلميذ: الزبدة، الجبن، أأأأأأأأأأ
المعلم: هي، تي تكلم
التلميذ: و ثلاث بقرات ... سيدي
5. ولد قال لبوه: معلمنا ما
يعرفش يحط الملاحظات في الكرني
الأب: و إنت كيفاش عرفت؟
الولد: المعلم كتب ملاحظتو لصاحبي "ضعيف
جدا" بينما هو أسمن واحد في المدرسة
6. معلم سئل تلميذ قال: قداش من
شهر في العام؟
التلميذ: 13 .. سيدي
المعلم: يا ولدي ماو قلنا في الحصة الفارطة
12
التلميذ: سيدي .. يا خي نسيت شهر العسل
7. قال معلم للتلامذة باش يصورو
في اللوحة عصفور. بعد لحظات صفق المعلم رفعوا التلامذة الألواح
متاعهم. ثما تلميذ لوحتو فارغة.
سئلوا المعلم: علاش لوحتك فارغة
قال التلميذ: سيدي .. ماو كيف إنت صفقت طار
العصفور.
8. سأل المعلم تلميذ: أيهما
أقرب القمر أم اليابان؟
التلميذ: القمر طبعا
المعلم: لماذا ؟
التلميذ: لأني أرى القمر و لا أرى اليابان.
9. سأل معلم تلميذ: وينك البارح
غايب؟
التلميذ: سيدي .. مشيت للطبيب ضرستي توجع
فيّا
المعلم: و توّا مازالت توجع فيك؟
التلميذ: سيدي .. ما ندريش على خاطر الطبيب
قلعّ الضرسة و خلاها عندوا
10. المعلم للتلميذ المعاقب:
موش قتلك إكتب الفقرة هاذي 30 مرة على خاطرك ضعيف في الإنشاء
و إنت كتبت كان 20 فقط. أعلاش؟
التلميذ: سيدي على خاطر أنا ضعيف زادا في
الحساب.
الألغاز:
1. ماذا يوجد بيني و بينك
- حرف الواو
2. إشنوا الحاجة إلي تتكلم كل
لغات العام -
الصوت
3. حسب رايكم ماذا يوجد في أخر
الجمهورية التونسية
- ـــــة
4. على مدينة تونسية متكونة من
شطرين:
شطر في الأرض و شطر في السماء -
قصر هلال
5. طلّع أشكون أخت خالتك و هي
ماهياش خالتك
- أمك
6. إشنوا الحاجة إلي صوتها عال
و بطنها خال - الطبل
7. إشنوا الحاجة إلي إذا كلات
تعيش و إذا تشرب تموت
- النار
8. حسب رايكم و ناه الباب إلي
مانجموش إنحلوه
- الباب المحلول
9. علاش حسب رايكم نشربو
القهوة - على خاطر ما نجموش
ناكلوها
10. ما ذا يوجد في أخر
الكتاب
- حرف الباء
ليست هناك تعليقات:
إرسال تعليق